Платность наряджіня од: 15. октобра 2020, 06:00 год.
Платность наряджіня до: до одкликаня
Aktualizované 14. októbra 2020
Вшыткым ведучім такых обєктів ся приказує забезпечіти:
- жебы кількость кліентів в обєктї нараз не перекрочіла концентрацію єден кліент на 15 м2 з выміры обєкту на продаваня становленой про кліентів (тото условіє ся не тыкать дїтей до 14 років у супроводї дорослой особы) або
- покы ведучій може забезпечіти і дотримати одступ на 2 метры меджі столами выдїленыма про кліентів в екстерьєрах обєктів верейного стравованя.
Покы выміра обєкту выдїлена про кліентів не має 15 м2, в обєктї ся нараз може находити найвеце 1 кліент (причім і дале платить выняток про дїти).
Ведучі фірем і дале мусять забезпечіти:
- вступ і стримованя ся в обєктї (у внуторных просторах) поволити лем із закрытыма верхнїма орґанами дыханя (рушко, шал, хустка); тота повинность ся не тыкать часу потребного на конзумацію напоїв і їдел в обєктах верейного стравованя,
- при вступі до обєкту апліковати дезінфекцію на рукы або дати єдноразовы рукавіцї,
- дотримовати діштанцію в рядах меджі особами мінімално на 2 м (як рекомендація),
- на вшыткы вступы до обєкту на видне місце дати інформацію о повинности дотримовати высше уведжены гіґіенічны реґулації,
- часто люфтовати просторы обєкту і реґуларно робити дезінфекцію поверьхів, котрых ся люде дотыкають, ключок, накупных возиків і кошиків, вжываных апаратів, інштрументів і помічників, на дезінфекцію хосновати дезінфекчны средства з віруцідным ефектом,
- обходы з потравинами, обєкты фірем верейного стравованя, враховано станків із быстрымобчерствінём і другым амбулантным продаванём потравин, їдел і напоїв мусять дбати на реґуларне чіщіня і дезінфекцію, котры ся мусять реалізовати в рамках денного санітачного режіму фірмы і в рамках приятых і заведженых прінціпів правилной гіґіенічной практікы подля наряджіня Европского Парламенту і Рады ч. 852/2004 о гіґіенї потравин.