Повинна домашня карантена

Кедь приходите з різіковой країны, мусите ся зареґістровати посередництвом еГраніця формуларя.

Кедь сьте дістали SMS з позітівным выслїдком, маєте повинность іти до карантены (домашнёй ізолації).

Upozornenie

Карантену не можете скончіти скорше як 10 днїв од реалізації одобратя взорок або скорше як 10 днїв од появлїня першых признаків.

Кедь сьте дістали SMS з позітівным выслїдком:

  1. контактуйте, прошу, свого обводного доктора, інформуйте го о Вашім выслїдку і пожадайте го выдати Вам потверджіня о робочій неспособности,
  2. контактуйте, прошу, вшыткых, з котрыма сьте были за послїднїх 14 днїв у близкім контактї без рушка з інштрукціёв, жебы зістали в домашнїй ізолації,
  3. список контактів (мено і призвіско контакту, чісло телефону), з котрым сьте были в близкім контактї,заженьте імейлом намістный РУВЗ,
  4. чекайте на інштрукції од містного РУВЗ. Внаслїдку надмірных робочіх повинностей робітників РУВЗ, інштрукції  можете дістати аж за дакілько днїв.

Кедь сьте были контактованы позітівнов особов і были сьте з нёву близкім контактї:

  1. зістаньте в ізолації,
  2. контактуйте свого обводного доктора, котрый Вас може індіковати на вышетрїня і выдати потверджіня о робочій неспособности,
  3. в припадї появлїня признаків хвороты пожадайте о вышетрїня,
  4. чекайте на інштрукції од РУВЗ, до обводу котрого належите.

Што то є звычайный контакт?

Звычайный контакт є дефінованый як:

  • особный контакт з особов інфікованов вірусом COVID-19 до двох метрів куртше як 15 минут, або
  • контакт з особов інфікованов вірусом COVID-19  в запертім  просторї (напр. в обыстю, класї, засїдалнї, чекарнї в шпыталю і т. д.) куртше як 15 минут, або
  • особа, котра путовала вєдно з особов інфікованов вірусом COVID-19 будьякым транспортом (з вынятком летадла),
  • здравотницькый персонал або інша особа, яка ся старать о паціентів з COVID-19, або лаборанты маніпулуючі зо взорками інфікованых особ вірусом COVID-19 з рекомендованыма ООП.

Што то значіть близкый контакт?

Близкый контакт є дефінованый як:

  • особный контакт з інфікованов особов вірусом COVID-19 до двох метрів довше як 15 минут, або
  • фізічный  контакт з інфікованов особов вірусом COVID-19, або
  • нехраненый прямый контакт з інфікованов особов вірусом  COVID-19 в запертім просторї (напр. в обыстю, класї, засїдалнї, чекарнї в шпыталю і т.д.) довше як 15 минут, або
  • сиджіня коло особы інфікованой вірусом COVID-19, в діштанції до двох сидачок в летадлї (в будьякім смерї), або
  • забезпечованя старостливости і обслугованя в части летадла, де сидїла особа інфікована вірусом COVID-19,

Під близкым контактом ся розумлять і конкретны особы, а то:

  • особы, якы забезпечують старостливость і членове екіпы обслугуючі в части летадла, де сидїла особа інфікована вірусом COVID-19,
  • здравотницькый персонал або друга особа, яка забезпечує старостливость особы інфікованой вірусом COVID-19, або лаборанты, котры маніпулують зо взорками особ інфікованых вірусом COVID-19 без рекомендованых ООП або з можным порушінём хоснованя ООП.

Рекомендації особам з позітівным выслїдком на COVID-19

Кедь сьте дістали SMS з позітівным выслїдком:

  • слїдуйте свій здравотный став і при ёго згіршіню телефонічно контактуйте свого обводного доктора,
  • стримте ся соціалных контактів (напр. приїманя особ або реалізованя сполоченьскых актівіт в місцї ізолації),  
  • стримте ся участи на едукачных актівітах з вынятком і-лірнінґовых форм,
  • стримте ся робочіх актівіт з вынятком роботы в місцї домашнёй ізолації,
  • стримте ся будьякых актівіт, котры сі выжадують одыйти з місця ізолації.

Рекомендації особам з близкым контактом з особов позітівнов на COVID-19

Кедь сьте были в близкім контактї з COVID позітівнов особов:

  • слїдуйте свій здравотный став і в припадї появлїня ся признаків (горячка, кашель,  проблемы з дыханём, страта нюху і смаку) безодкладно телефонічно контактуйте обводного доктора і містный РУВЗ, або пожадайте о вышетрїня,
  • стримте ся соціалных контактів (напр. приїманя особ або реалізованя сполоченьскых актівіт в місцї ізолації),  
  • стримте ся участи на едукачных актівітах з вынятком і-лірнінґовых форм,
  • стримте ся робочіх актівіт з вынятком роботы в місцї домашнёй ізолації,
  • стримте ся будьякых актівіт, котры сі выжадують одыйти з місця ізолації.