Повинность носити рушко

Платность наряджіня од: 15. октобра 2020, 06:00 год.
Платность наряджіня до: до одкликаня

Актуалізоване 14. октобра 2020

Носити рушка на верейных місцях в екстерьєрї є повинне. То платить в заставляных частях сел і міст, але і мімо них.

Рушко не є повинне носити мімо заставляных частей сел і міст, кедь є дотриманый одступ веце як 5 метрів од чуджіх особ або од особ, котры не жыють в єднім обыстю.

І дале платить повинность носити рушка всягды в інтерьєрaх (враховано громадного транспорту) мімо свого місця бываня про вшыткы особы на теріторії Словеньской републікы. Тота повинность платить і в припадї ношіня выдыхового респіратора, котрый мусить быти тыж перекрытый рушком.

Алтернатівов рушка може быти шал або ай іншы средства, котры сперають шырїню капочок до околіцї.

Upozornenie

Закрытя верьхнїх орґанів дыханя значіть мати закрытый ніс і рот.

Главный гіґіеник удїлює выняток з повинности носити рушко (або іншы средства), котры сперають шырїня капочок до простору, про тоты ґрупы людей:

  • дїти до 6 років,
  • особы при перебываню в екстерьєрї мімо заставляной теріторії (інтравілану) села/міста, покы мають одступ на веце як 5 метрів од іншых особ, з котрыма не жыють в єнім обыстю,
  • особы з важныма вадами автістічного спектра,
  • школярїв зо середнїм або тяжкым менталным або слуховым гендікепом,
  • шпортуючі особы,
  • фотоґрафованы особы на час потребный на реалізацію процесу фотоґрафованя,
  • особы молодой і молодого на свадьбі,
  • выступаючіх умелцїв при реалізації умелецького выступлїня і участників награваня документарного філму,
  • тлумачників до посунковой речі почас їх роботы,
  • працовника, котрый ся находить на робочім місцї сам.
Upozornenie

Дїтём од 3 до 6 років ся силно рекомендує носити рушко (шал, хустя або іншы средства) всягды мімо дому. Тыкать ся то екстерьєру, інтерьєру, як і средств громадного транспорту.

Выняток з повинности носити рушко мімо свого місця бываня быв удїленый ай выступаючім при выробі або награваню авдіовізуалного твору, як і выступаючім умелцям в процесї умелецького выступлїня. В тім припадї ся але мусить забезпечіти слїдуюче:

  • доступ к дезінфекції рук,
  • реґуларна дезінфекція місця реалізації умелецькых актівіт (+ реґуларне люфтованя, кедь іде о інтерьєр),
  • заказ вступу на місце реалізації умелецькых актівіт особам з підвышенов теплотов над 37,2°C або з другыма признаками COVID-19.

Реґулаціёв OLP/7852/2020 (PDF, 111 kB) з дня 30.9.2020 ся рушить Реґулація OLP/7189/2020 (PDF, 124 kB) з 14. септембра 2020.